Pohul-Pohul Borngin Hatutubu

December 23, 2009
By

Oleh: Pdt Daniel T.A. Harahap

Nunga rade be HKBP Serpong manomunomu Pesta Hatutubu ni Tuhanta Jesus. Nunga dipabolak be tenda na marplafon muse di alaman ni garejanta. Satongkinari ro ma karosi na sinewa asa sonang sude ruas hundul sogot. Sinangkap ni roha marsogot di parnangkok ni mata ni ari pajongjongon ma gabagaba. Nunga sahat be tu gareja piga karung rambutan, jala borngin annon  ro ma gaol dohot honas.  Tu aha i? Hupabotohon hami ma: taon on sian parbue ni angka suansuanan ma gabagaba ni garejanta na di serpong: rambutan, gaol, honas molo boi dohot manggis nang pinasa pe. Dibagasan rohanami gombaran ni haporseaon dohot hangoluan ni hakristenonta do gabagaba i na ingkon marparbue. Jala nunga satolop hami bindahononhon eh daion ma gabagaba i di pesta natal paduahon di tanggal 26 dung simpul marindahan na las dohot minum aek sitiotio.

Pinuji ma Tuhan i, tiur do ari sadarion. Nunga dijomur be angka taganing sipangkeon sogot asa tio ninna panghulingna. Angka tiang ni gareja i pe nunga digorga. Anggo angka bungabunga di langgatan sogot pe nikarejoan asa unang pintor malos. Ulos ragi idup tu langgatan nunga dipinjom. Aha muse? Lampet eh pohulpohul nunga diparade saribu biji asa adong saotik ubat male saluhut ruas ni Tuhanta na ro tu bagas joroNa.

Gonghon sipaimaon joujou sialusan. Nunga mardalan be gonghon sian Sipalua i jala nunga ro be joujouNa tu hita. Jadi ro be ma hamu tu garejanta marsogot. Asa rap manutung lilin hita huhut martangiang. Asa marlas ni roha hita huhut marsomba tu Tuhan. Asa taendehon Nunga jumpang muse ari pesta i dohot Sonang ni bornginna i. :-)

Horas tondi madingin. Pir tondi matogu.

Share on Facebook

8 Responses to Pohul-Pohul Borngin Hatutubu

  1. Siregar on December 23, 2009 at 5:11 pm

    Satu ide yg sangat bagus, dang adong dope HKBP namambaen songonon. Tutuma tamba semangat na marnatal i ate.

  2. Jansen Sinamo on December 23, 2009 at 6:57 pm

    Hmm, kreatif dan mengundang :) Moga-moga klop semua kegiatan agar sanga ke Serpong.

    Selamat pitu hali…

  3. Friska pardede on December 23, 2009 at 9:03 pm

    saat ini sambil mendengar dua anakku ganti gantian latihan lagu yg akan dinyanyikan besok malam dan Jumat giliran boruku yg besar latihannya pasti besok krn malam ini dia pulang terlambat , ada acara Christmas dinner di rumah bosnya.

    Sembah dan puji Dia sembah dan puji Dia sembah dan Puji Dia yang Raja
    Hatuaon do las ni rohado, hatutubu ni Jesus i, dohot udutna
    Hupuji hollong ni rohaMu o Tuhan jesus rajangku, d..u, ( ini lagu ketika marulaon nabadia).
    sambil membaca cerita amang ini, ingin malam ini cepat berlalu agar besok malam pesta yang kita nanti2kan kita rayakan dgn sepenuh hati, bukan sekedar marbaju baru ( angka ina digreja kami masih banyak berdandan habis2an pakai kebaya dan songket baru lengkap dgn segala assesorisnya) :)

    Jadi marsogot dope hape jongjong gaba2 di hurianta di sepong bah tahe ulinai ate amang, molo gaba2 di garejanami mulai tgl 1 Desember nga jongjong ba… nga hurang ulibei hilalaon marsogot .
    Aut sugari jonok jabunami tu Serpong jala dang martugas angka dakdanakon da ingkon ro hami tu Serpong marpesta, naeng pajumpang dohot amang pandita laos menikmati gaba2na istimewa i

  4. DSB on December 23, 2009 at 10:37 pm

    Ah, tabo nai hamu na naeng marpesta Natal i… oh, pohulpohul hasudungan ni rohangku…huhuhu.. dohot tes manis. Hm..gabe manetek ilu..e, ijur.. Ah, tahe.

  5. Supardi Manurung on December 24, 2009 at 8:25 am

    Bah poang mantap ni perencanaan ni huria Serpong i ate. Selamat Natal saluhutna…

  6. tanobato on December 24, 2009 at 8:32 am

    I ma da tutu. Mamora do halak Batak dibahen Tuhan i, mamora di angka na boi si bahenon. Ndang pola sian na ro sian ruar, sian bagas ni habatahon pe boi do hita patuduhon las ni rohanta marhite sude na adong di adat hita bangso Batak.

    Horas jala gabe! Tahalashon ma na adong di hita be!

  7. Kimseng Manurung on December 24, 2009 at 12:12 pm

    Tabonai ate hamu HKBP Serpong on, boi marnatal di Gareja mu, ya molo hami tetapdope dang boi marnatal di Gareja nami diluat Cisauk, dang di paloas Tubu Sipaluai di luat Cisauk, umbahen nima hami HKBP Cisauk mamestahon hatutubuni sipalua I di Aula Yon Kaveleri 9 Serpong. Alai nang pe songoni dang mangkurangi lasni rohanami Jemaat HKBP Cisauk di nalaho mangoloppon asi dohot holong nirohani Tuhani dihami. Idama nunga di bahen panitiabe gaba-gaba dinalaho menghias aula i, jala nunga di jou be amang pargual pargoci/pemain musik rap dohot taganing nahombar tusi dinalaho pakeon mamuji jala pasangap debata marhite-hite uning-uningan rap dohot ende pujipujian ( laksana Natal di tepi Danau Toba dengan musik uning-uningan khas etnik Batak ), naeng manotorma Parhalado ni huria i, ama, ina, rena nang dohot sikolaminggu, manotor mangolophon asi dohot Holong ni rohani Debata dibagasan ngolu nami/huriana, marhite-hite hatutubuNa di portibion.
    siapa yang mau ikut hadir..? WELCOME

    Pujima Jahowa ale tondikku/HKBP Cisauk, jala unang halupahon asinirohaNa, Pujima Jahoba ale tondikku/HKBP Cisauk, jala unang halupahon dengganni basaNa dibasan ngulum; Nangpe dang boi ho mamestahon Natal di Gareja HKBP CISAUK.

    horas jala gabe sai semoga Damai Natal lahir di dalam hati kita masing-masing, jala tu Natal taon nanaeng ro sai anggiatma HKBP Cisauk boi mamestahon Natal di Cisauk..Amin. Horas..!

  8. sinta on December 27, 2009 at 1:55 pm

    Selamat natal tu sude dongan sahaporsean na di HKBP Serpong ! smoga TUHAN selalu memberkati kita semua . amin. (maaf ate ala terlambat mengucapkan selamat hari natal)

Leave a Reply

Your email address will not be published. Required fields are marked *

*