KURSUS BAHASA BATAK: 
Oleh: Pdt Daniel T.A. Harahap
Ndang hapalang las ni rohaniba arian on dung memboto hajongjongan ni Ruma Metmet sian situs sisulingkit (ndang dapothu dope hata batakna) Alexa na tongam i. Hape samparsapulu angka tamue ni Ruma Metmet on Par Lumban Obama manang Luat Amerika do. Sada satonga persen sian bariba ni aek ima Malaysia, onom persen nari sian angka desa na ualu, jala 81 persen sian hutanta sandiri na margoar Indonesia. Bah, bah, mauliate ma ninna roha. Ndang pola ingkon tabunihononhon balga ni roha ni iba disi. Alai tongtong do sungkun-sungkun roha: aha do na masa? Boasa pola diharingkothon angka dongan di huta na dao i mandulo jabunta na metmet on? Aha do huroha na didiori jala jumpang nasida dison? Anggo taringot tu haulion do, godang na i dope blog na umuli jala umlehet. Anggo taringot hababagas ni pamingkirion do, ndang ra adong na hebat hian dison, holan na somalsomal i sajo do.
Ndang apala binoto sialana. Tontu sahali holan nasida sandiri do na umbotosa. Sai adong ma sian nasida na paboahon. Holan marhata “ra” manang na marsurasura ma iba. Ra masihol situtu do donganta naung leleng di Lumban Obama i umbege angka barita sian huta hagodanganna lumobi mambege hata Batak. Nang pe di luat na dao nasida huroha sai manghuling dope mudar i. Jala ninna rohangku nang pe nunga gabe warga negara ni Amerika nasida tongtong dope nasida mohop di pro-kontra Propinsi Tapanuli. Alai hatangku nama i. Tapainte ma alus nasida.
Angka istilah:
ndang hapalang = tidak terkira
sulingkit = selidik
tongam = berwibawa
bariba = seberang
mandulo = menjenguk
desa na ualu = delapan penjuru mata angin, dari segala arah
diori = cari
ra = mungkin
sialana = penyebabnya
surasura = dugaan
painte = tunggu, tapainte = kita tunggu
um = lebih, umlehet, umuli = lebih cantik
mohop = panas hati
Kembali ke halaman depan:
Mengapa tidak tulis dan terbitkan saja sebuah “phrase book” Bahasa Batak? Buku-buku “phrase book” Bahasa Inggeris, Jepang, Mandarin memang laris. Tapi saya rasa buku “phrase book” dalam bahasa Batak pun pasti tak kalah laris.
Banyak sekali orang muda yang bangga karena punya pacar orang Batak dan yang ingin “sikit-sikit” mampu berbahasa pacarnya itu.
Dan orang-orang muda ini pasti adalah mereka yang tidak pernah mendengar berita tentang penyerbuan Gedung DPRD Sumut oleh para pendukung Propinsi Tapanuli
Ima tabona molo nga sude pangisi ni liat portibi on mamangke komputer jala adong modem na di bagas, gabe boi angka donganta na adong di luar negeri berkomunikasi secara lisan marhite internet on.
Jala boi do hita pararathon Barita Nauli i tu halak silom dohot atheist na adong di luar negeri marhite-hite internet. Ndang pola be ingkon lao tu huta nasida songon na binahen ni angka parBarita Nauli na sian RMG i.
amang Pdt.Harahap, boi do goar ni blog on ruma metmet alai anggo isina umgodang sian istana, dang holan barita bona pasogit adong dison, alai barita ( hata ) ni Tuhan i, sai adong ganup ari na gabe sulu dht tungkot di parngoluanta siapari
Small is beautiful. Metmet alai uli.
Gabe marroan ma angka dongan sian bariba tali laho mandulo ibana, ala ni aha? Ala ni haulion na i.
em….ma tutu
Sian na onom porsen i adong do tondongta disi ima di Davao City, hupatandohon do blog on jala pintor sinta mallabab do ito on alana sombu siholna tu habatahon
Songon alusni sungkun-sungkun ni roha ni Abang DTA taringot tu na diharingkothon dongan par lumban obama mandulo rumametmet on, huhilala dos do alusna sian sude panjaha i: ala ni sihol ni roha tu ha-batak-on i ma tahe.
Boi do patoru roha Amang alai unang patoruhu. Ditikki tahasosat au jala masuk tu rumametmet on tung longang jala las situtu do rohakku. Bah lehet jala uli situtu ma ruma nametmet on.
Ai didia do inganan ni ruma na metmet i?
Alusna, di Lumban Maya
Anggo ahu mandok alani natabo I do jamita ni Amang, jala hona tu roha. Jala ‘uram-uramna’ pe nunga mansai angur jala sabas allangon. Namarlapatan doi ingkon gumodang dope Amang mangalului angka ‘uram-uram’ na tumabo asa boi sumabas angka na ro ‘mangan’ sian liat portibion. Horas!
Toho do pandok ni angka na parjolo i, alai manambai, disura rohangku, deba alani angka on do.
Parjolo: Ala rumametmet on pinatupa ni sahalak Pandita di HKBP, na di pingkiran nasida saleleng on bangkol mangihut tu hamajuon.
Paduahon: Ganup ari adong na imbaru di son. Dang holan hata ni Tuhan i songon sulu siganup ari, alai dohot angka barita na asing na marpardomuan tu ‘Batak’. Adat na, umpasa-umpama na, ulos na, angka gambar ni luat na, hata na, dna.
Patoluhon: Burju jala nunut na manjaga rumametmet on, diloas do sude halak mandok sidohonon na, nang pe dang apala hantus pandohan i.
Mauliate ma di na manjaga i. Ditambai angka dongan.
Satu hal yang unik, seorang pendeta mempunyai blog dan tentu diluar latar pendidikan theologi, saya salut seorang pendeta HKBP bisa berpikiran jauh kedepan dengan membat blog ini, dengan rumah metmet saya bisa membaca renungan harian sesuai dengan almanak. sehingga pelayanan tidak hanya di resort Serpong. Masih ada waktu untuk kami undang ke PS Kantate Harmonik Sutoyo? Mauliate
Dumenggan (tumingkos) do ra molo manggurithon lumehet sian umlehet.
Ahu pada dasarna appreciate do di angka sude bahasa, ala huhilala do indah ni na barbahasa. Hulehon do rohangku marhata natingkos. Sai olo do ahu pausor-usor bahasa i di bagasan ni pikiranku, jadi hunikmati do na marsiajar bahasa.
Sorang, magodang, jala marhuta di luat sileban do ahu. Sahali do ahu mulak tu huta ditingki marumur 10 tahun, hira2 sabulan di huta. Hatop do huparsiajari bahasa batak, jala tabo do hurasa (maksud hu indah) na marhata batak. Mansai tabo do jala las do rohangku boi ahu manghatai dohot opungku nahinan di bagasan hata batak.
Sadanari, holong do rohangku marende sian buku ende HKBP. Nangpe di Lumban Obama ahu satingkion, tong do huendehon lagu2 sian buku ende i; huboan do buku i tu Lumban on. Songon na mantap do huhilala.
Minggu na salpu laho do ahu tu Houston ala adong pertemuan ni halak Indonesia di san. Pajumpang ma ahu dohot sada ama hira2 marumur 60 tahun marga …… (secret). Mangkuling do mudar hu. Pintor marhata batak do ahu tu amang on patandahon diringku asa songon na jonok nina roha. Alai sai marhata Indonesia do amang on mangalusi ahu. Bah, ninna rohangku? Hape marlogat batak jala marpasir-pasir do bah hata Indonesia na, jala marsuhi-suhi dope bohina (hehehe, maaf/santabi). Gabe songon na tata do rohangku.
Mauliatema di amang na parade blog na jeges on. Toho do sai mangkuling do mudar batak niba. Mauliate tu angka dongan na mangalehon roha paramehon blog on. Pade ma.
Godang na boi binoto sian blog-on, alai na umporlu sian i sude i ma boi ruma metmet-on gabe inganan ni sude halak batak mangusehon angka ide dohot na di bagasan rohana. Mauliate ma di amang naung mangalehon tingki laho patureturehon ruma na metmet-on.
Ruammetmet on holan goarna do ruma metmet, alai anggo sabotulna ruma bolon do on alana siat do sian liat prtibion laho masuk tu ruma on jadi tikkos ma nian goarni on ruma bolon.
Begitulah realitanya Amang, bahwa semakin banyak orang yang pintar dan tidak sedikit yang berpikiran maju…tetapi kerinduan terhadap yang ” na somalsomal i di habatahon’ membuat kita selalu semakin haus akan pencerahan kembali ke yang sebenarnya. Untung ada rumametmet ini..ini bukan hanya sarana penyejuk dan penyegar iman, tetapi juga gudangnya informasi dan pengetahuan tentang segala sesuatu menyangkut iman, budaya batak dan bonapasogit.
molo menurut ahu, alani sude nasinurathon ni amang di artikel i, sesuai dohot realita (aha do bahasa batakni “realita”) di bagasabn ngolu siganup ari, nunga jarang be diula jolma songon on. jadi sombu sihol
Saya beberapa kali forward rumamet ini ke teman-teman non Batak. Menurut mereka daya tarik rumametmet adalah kesederhanaan bahasan renungan hari ini, dan komen2nya. Cuma mereka agak terganggu karena beberapa komen tsb ditulis dalam bahasa Batak, yg menurut mereka tidak dapat menikmati komen2 itu dan merasa menjadi terasing dalam rumametmet ini.
Daniel Harahap:
Bagaimana kalau kita buat “aturan” komen untuk renungan harus bahasa Indonesia?
Las situtu rohangku manjaha Kursus Bahasa Batak nagihurithon ni amang Daniel on. Boi taida, hinorhon ni “kecanggihan ni teknologi”, hatop do ro angka respon, pola do adong 18 namangkomentari guritgurit i.
Sasintongna andorang na poso pe iba hea do hubahen hami buletin Marturia di HKBP Tebet di taon 1987-1989. Ahu do Pemred hatihai rap dohot parhobas na asing ima : (santabi ma jolo ate molo pola hugoari halah i) Sahat P Napitupulu, Toga Napitupulu, Emma Sitohang boru Nababan, Edison Pasaribu, Theresia Siahaan boru Butarbutar, Golden Pandiangan, Sabam Sidjabat dohon lan na asing. Adong dope nian, alai lupa ahu. Hubahen hami do rubrik Batakologi dohot tujuan asa tubu holong ni angka naposo-lumobi na tubu di pangarantoan mamangke dohot patasakhon bahasa Batak na uli i.
Dung i di taon 1991-1992, rap dohot NHKBP Perumnas Klender, hupauli hami do muse majalah dinding NHKBP.Dos do tahina songon na di ginjang i. Di gareja nami hatiha on HKBP Perumnas Tangerang, tong dihumalaputi pangajaron bahasa Batak ondeng tu angka dakdanak (nang pe sungkot-sungkot) na niuluhon Pdt Daminna Lumbansiantar dohot guru SM. Tamba ni muse, dibagasan na 4 taon on, dohot do iba mangajarhon Batakologi tu murid Parguru Malua. Ndang pola godanggodang, na ringkot boi diboto nasida saotik taringot tu Dalihan Na Tolu, dohot angka pandohan di partuturon dohot pandohan di pamatangta manang na adong di humaliangta. Nilehon do tingki tu nasida mardiskusi taringot tu Gonghon dohot Joujou. Jala nilehon do tu nasida PR bahasa Batak, asa disulingkiti, asa disungkuni amana, inana, tulangna manang nantulangna. Marhitei, didok roha asa lam holong rohani dakdanak i di habatahon.
Amang Daniel na hinaholongan, di tabloid DALIHAN NA TOLU rongkoman no.21 (5 feb -5 Mar 2009) adong do guritgurithu ” PANGALAHO TARINGOT TU SIPANGANON DI HALAK HITA” ( boi do tuhoron on di ganup Lapo Halak Hita di Jabodebatek). Disi hutariashon do taringot tu ‘SIPANGANON DIPALAS” naung hea di didiskusihon di Batak_gaul, Batak_cyber yahoo.com manang na di rumametmet on, domu tu sungkunsungkun muna BOSA LOMO ROHANI ANGKA INA, SIPANGANON DIPALAS. Godang do respon na hubege.
Anggiat ma marhite Kursus Bahasa Batak on, lam tu dengganna parsaoranta, boi hita masitariparan holong, lam tu tasakna musengani hata Batakta, jala lam holong rohanta di bahasa Batak na uli i.
Olat ni ma jolo amang/inang panjaha na uja. Sahat ma tabe niba tu angka dongan Batak di desa na ualu di liat portibi on. Mauliate godang.
Sawahbesar 26/2/09/15.19 – dua gala
Alasan mereka mengunjungi rumametmet ini hanya satu:
DOWN TO EARTH
mereka tak mau tercabut dr akarnya, meski sdh mengalami dan merasakan banyak hal dan tinggal jauh dr kampung halaman.
Gabe taringot tingki di huta najoloi, alai boha do bahenon ate asa boi on marguling (bergulir) tu naumposo. Horas ma