KURSUS BAHASA BATAK: 
Oleh: Daniel T.A. Harahap
So tung dirimpu hamu “gerpol” (gerakan politik) on. Dao ma i. Ai holan naeng paboahon sada pangalaho na mansai teknis do iba sahali on. Ra godang do panjaha na porlu mamboto ingkon jolo dibatakhon do komputer niiba i asa ummura manurathon hata Batak. Songon na taboto di hata batak mansai marlapatan do huruf “i” na punjung manang sasadasa. Isarana: dung i, aha ma i, andorang so i, oto na i, dohot lan na asing. Hape molo taketikhon huruf “i” punjung hatak batakta i pintor muba do i so binoto-boto gabe “I” (huruf na balga). Boasa? Aha do sibonsiri na?
Di sibontar mata na manompa “word” (lapatanna: hata) i ndang adong lapatan ni huruf “i” na gelleng na punjung. Na adong jala mansai ringkot di nasida ima huruf “I” (manjahasa: ai) na balga do na marlapatan: Ahu. Ala nii dibahen nasida parenta tu fasilitas “patingkoshon sendiri” (auto correct) molo pajumpang huruf “i” asa pintor dipauba ma gabe “I”. Ndang diboto sibontar mata i, hape di hita halak Batak mansai “pesting” manang arga do huruf i na punjung i. Di angka na so mangantusi gabe maol hian ma mengetik hata batak di komputer. Ala nii pinabotohon ma tu sude hahaanggi dohot pinariboto halak hita, tabereng ma di ginjang ni layarta i “tools” (ula-ula) dung i laho ma tu “option” (sipilliton) , dung i muse laho ma hita tu “auto correct” (patingkos sandiri) jala delete (sesahon) hamu ma parenta na sai mambahen susa halak hita i: “i gabe I”. Asa sonang so haribo-riboan hita markomputer ria. Uji hamu ma.
Angka istilah:
punjung = sendiran, terasing
isarana = contohnya
andorang so = sebelum
muba = berubah
sibontar mata = bule, orang eropah/amerika
sonang so haribo-riboan = sukacita penuh, gembira tanpa halangan atau hambatan
sibonsiri, bonsir = penyebab
Kembali ke halaman depan:
Asa pintor gabe Batak komputer-i ingkon do bahenon margana. Ai songon nii do na masa di hita molo tabatakhon halak sileban. Jadi molo nga taparaja komputer gabe marmarga, tontu pintor hatop do diantusi komputeri manurathon huruf i-punjung.
. Alai parsoalan na, marga aha do bahenon marga ni si Komputer on. Somalna nian, molo boru do sikomputeron, dibuatma marga ni namboruna, manang calon simutana boru. Alai molo baoa do boi do marga na asing asal ma unang marga ni calon simatua na, asa songon na une. Sada nai parsoalan na mendasar, aha do jenis kelaminna (aha do hata bataknion tahe…) si komputeron…? Ditambai angka dongan ma…:)
Jadi ala dao do banua Eropa dohot Amerika sian pulo Sumatera, gabe dao ma parasingan ni hata Inggris dohot hata Batak. Gabe asing ma tutu lapatan ni letter “i” di halak Inggris manang halak Amerika sian letter “i” di halak Batak.
Alai nang pe songon i, ingkon mandok mauliate do hita tu Debata ala dilehon Ibana hapistaran tu halak Eropa nang Amerika umbahen na boi ditompa nasida angka teknologi na boi pamurahon hita mangulahon angka ulaonta.
He..he..gabe geok do huhilala na tabahas on bah..tarlumobi dung manjaha respon ni lae nalom on….
Angkup ni i mauliate ma tutu di hamu amang DTA, ala gabe tamba do perbendaharaan/parbinotoan niba namarbahasa batak on ala di bahen hamu arti/lapatanna angka nadisurathon muna i.
Daniel Harahap:
You are welcome.
Ndang huboto molo di kamus batak, molo pinamanat di Bibel ndang adong “ala nii”, alai molo “ala ni” dohot “ala ni i” (i = punjung) godang jumpang ahu. Santabi molo pamalomalohon iba
Daniel Harahap:
Mauliate ma di singotsingotmuna.
Masin surat batak? sada tantangan tu angka halak batak naung ahli di masin surat ( komputer) , peluang bisnis di ari nanaeng ro.
asa lobi lengkap, tabahen ma muse kursus laho manghatabatakkon sude goar-goar ni menu bar i asa boi diparsiajari natua-tua nadihuta, asa unang hatinggalan angka hasida disihamajuanni teknologi nasanggi i. Isarana nangkin Tools (ula-ula), jadi molo na asing nai aha do amang?
Horas amang DTA, molo adong do diboto amang buku namarhata batak asli asa lehon hamu jo info, alai ejaanna EYD unang ejaan lama. Mungkin molo adong do buku sisongo i boi dope ra hita belajar bahasa batak asli, ai molo bahasa batak natapakke sehari-hari songonari on nungga godang dipengaruhi bahasa asing (dang asli be). Mauliate.
Daniel Harahap:
Adong do donganta ima si Erwinthon Napitupulu, sada arsitek na nuaeng gabe partani di Lembang, tagan manghalojahon paruarhon Buku Gramatika Bahasa Batak. Tatangianghon ma asa marhasil i.
Molo boi amang dibuka kursus marhata batak di gareja hkbp serpong unt anak hita sasude
mauliate amang.
Adong dope kamus hata batak nadumenggan ima nasinurathon ni ompu i Nomensen. Judul na Bibel. Molo naeng botoonta lapatanna di hata Indonesia tapamanat ma tu Alkitab, molo naeng botoonta lapatanna di hata Inggeris tapamanat ma di Bible.
Pangidoan asa marhata Batak ma hita, anggiat ma tulus tu joloan on. Boha do muse molo rongkom batak tong tabahen asa gabe hot ro disaleleng-leleng na (lestari). Huingot dope boha manurathon hata di bagasan rongkom batak. Alai hera na somarlapatan na ma i tu tingki parpudion.
rongkom=tulisan
jadi nga boi be tapungka ulaon bolon pabatakhon hata na adong di internet on,Amang? asa adong haduan pinilit bahasa batak,isara boso jowo songon na di Google i…:-D
Mauliate amg di baritamuna on, ai holan otik dope na umboto taringot tu si, nang pe statusna mahasiswa manang pe angka parkarejo. Jala molo nunga godang halak batak na boi ginoaran angka na pistar taringot tu komputer, ra ngang adong na sala molo taulahi muse mangido tu angka dongan na pistar di komputer asa mangalehon tingki na laho mambahen sada blog na boi gabe inganan patupahon angka na hombar taringot tu habatahon jala molo boi INGKON marbahasa batak, bo do amang???
@ Ninggor Pardede.
Tak terpungkiri, kekayaan kosa kata batak dalam bibel, luar biasa, sipata adong do hata i na so bonioto lapatanna alani totokna (bataknya totok apa ya..?). alai molo mandok na dumenggan (apakah artinya ini yg terbaik/sempurna?) didok rohangku ndang dope nian. Sai adongdo piga-piga kosa kata na disurathon di bibelta i hurang pas molo didok rohangku. Apalagi molo ta pingkiri secara logika, ndang mungkin umpassian ompunta si Nomensen marhata batak dari pada halak bataki sandiri. Alai mauliate ma di Tuhani, didongani do ompu i manterjemahon (aha muse do hata batak nion) bibel to hata batak.
wow, ternyata ada tutorial juga disini.
Masin surat batak? sada tantangan tu angka halak batak naung ahli di masin surat ( komputer) , peluang bisnis di ari nanaeng ro.
Nunga adong font script batak, alai ndang halak batak mambahen, halak Jerman do tong songon Nommensen ima Urlich Kozok alai diganti ibana do goarna gabe Uli Kozok, saonari gabe professor di Hawaii. Program transtoba2 nunga boi suraton hata batak latin haluarma surat batak jala boinma on copy paste tu word alai jolo di install ma Font Batak tu komputer i. ndang na pola maol parsiajaran surat batak i, alai ala so hea tarpake di hangoluan siapari gabe lupa do muse, ( huajari do dakdanak di jabu surat batak tingki di smp alai lupa do nasida )
Alamat ni amanta Uli Kozok di http://www.hawaii.edu/indolang/surat/
Daniel Harahap:
Jerman or Rusia? Alai na tontu ndang halak Batak.
denggan do tutu bahenon goar batak ni komputer i, molo margana ni komputer i do marga ni namamangke ma dibahen. songon naung digoaran muna : TOOLS=ula-ula, ERASE=manesa, tinambaan ma muse : EDIT=manilik, NEW=naimbaru, FILE=pustaha, SAVE=puro, SAVE AS=purohon muse. Songo napaganjang hu do hata-hata i molo gabe mambatakhon komputer on ate